Մեդիա

Ամբողջ աշխարհի հայ գեղեցկուհիները կմրցեն «Միսս Հայաստան» կոչման համար

Մայիսի 25, 2017

armeniasputnik.am-ը գրում է.

 

«Միսս Հայաստան 2017» համահայկական մրցույթը դռներ է բացում ամբողջ աշխարհով սփռված մեր հայրենակցուհիների համար։ Մրցույթին կարող են մասնակցել 17–ից 25 տարեկան չամուսնացած աղջիկները։

Արդար ժյուրին սեպտեմբերի 15-ին կայանալիք «Միսս Հայաստան 2017» մրցույթի ժամանակ կբացահայտի ամենականացի հայուհուն։ Այդ մասին Երևանում լրագրողների հետ զրույցում ասաց «Միսս Հայաստան 1998» տիտղոսակիր, «Միսս Հայաստան» մրցույթի կազմակերպիչ Գոհար Հարությունյանը։ Մրցույթին մասնակցել ցանկացողները կարող են գրանցվել missarmenia.org կայքում՝ ավելի ուշ քասթինգին մասնակցելու համար։

Հայաստանը «կկուրանա» գեղեցկությունից. 25 գեղեցկուհի կպայքարի «Միսս ԱՊՀ» տիտղոսի համար «Մարզերում ապրող աղջիկները կկարողանան մասնակցել մրցույթի նախընտրական փուլին հենց մարզերում, իսկ Երևանի գեղեցկուհիները` մայրաքաղաքում։ Մյուս երկրներից հայուհիները կկարողանան մրցույթին մասնակցել օնլայն ռեժիմում։ Հատուկ չափանիշներ չկան, քանի որ աղջիկը կարող է գերել ոչ միայն արտաքին տեսքով։ Մրցույթի նախընտրական փուլերը, ինչպես նշեց «Միսս Հայաստան 1998» տիտղոսին արժանացած հայուհին, փակ են լինելու, որևէ նկարահանում չի անցկացվելու։ ՀՀ մարզերի և այլ երկրների աղջիկներին կապահովեն սննդով, կհոգան նրանց կացարանի և անվտանգության հարցերը։ «Մրցույթին կարող են մասնակցել նաև անապահով ընտանիքի աղջիկները։ Մենք հոգացել ենք այն մասին, որպեսզի նրանք որևէ բանի կարիք չունենան. Սկսած սննդից, վերջացրած բեմական զգեստներով։ Կազմակերպիչները կհոգան նաև բոլոր ֆինանսական ծախսերը»,- նշել է գեղեցկության մրցույթի կազմակերպիչը։ Ամենակարևորը, նրա խոսքով, որպեսզի «Միսս Հայաստան» մրցույթն ավանդական դառնա, և հաղթողները հետագայում կարողանան մասնակցել «Միսս Աշխարհ» և «Միսս Տիեզերք» նման հեղինակավոր գեղեցկության մրցույթներին։ Հարությունյանն ավելացրեց, որ սեպտեմբերի 1-ից 15-ը աղջիկները հնարավորություն կունենան ծանոթանալ Հայաստանի տեսարժան վայրերին, մասնակցել լուսա և տեսա նկարահանումներին, ինչպես նաև շփվել երկրի բնակիչների հետ։ «Նախատեսված է նաև, որ աղջիկները դուրս կգան տարազներով, ինչպես նաև կցուցադրվի Հայաստանով և այլ վայրերով ճանապարհորդության վերաբերյալ տեսահոլովակներ», — ասաց նա։ Ի սկզբանե «Միսս Հայաստան» մրցույթի ժյուրիի նպատակն իրական հայուհուն բացահայտելն է, որն ըստ արժանվույն կներկայացնի երկիրը նրա սահմաններից դուրս։ Առաջին անգամ գեղեցկության գլխավոր համահայկական մրցույթին կմասնակցեն ոչ միայն Հայաստանի բնակիչները, այլև մեր հայրենակիցներն ամբողջ աշխարհից։ Նախաձեռնությանն աջակցել են ՀՀ մշակույթի և սփյուռքի նախարարությունները։